តើលោកស្រី អ៊ុងសាន ស៊ូជី ជាអ្នកណា?

លោកស្រី អ៊ុង សានស៊ូជី គឺជាទីប្រឹក្សារដ្ឋរបស់មីយ៉ាន់ម៉ា និងជាអ្នកឈ្នះរង្វាន់ណូបែលសន្តិភាពឆ្នាំ ១៩៩១ និងជាអ្នកទោសនយោបាយដែលត្រូវបានគេឃុំឃាំងអស់រយៈពេលជាង១៥ឆ្នាំ។ តើលោកស្រី អ៊ុងសាន ស៊ូជី ជាអ្នកណា?

ថ្ងៃខែឆ្នាំកំណើត

លោកស្រីបានចាប់កំណើតនៅថ្ងៃទី១៩ មិថុនា ឆ្នំា ១៩៤៥ ក្នុងទីក្រុងរ៉ង់ហ្គូន( Rangoon) បច្ចុប្បន្នទីក្រុងនេះត្រូវបានគេហៅថា ជាទីក្រុង យ៉ាំងហ្គោន (Yangon) ប្រទេស មីយ៉ាន់ម៉ា។ជាកូនទី៣ នៃគ្រួសារមួយដែលមាន ឪពុកឈ្មោះលោក អ៊ុង សាន ជាមេបញ្ជាការកងទ័ពឯករាជ្យភូមា និងជាជនជាតិភូមាមួយរូប ដែលហ៊ានចរចាជាមួយអង់គ្លេស ដើម្បីទទួលបានឯករាជ្យមកវិញ។ ជាអកុសលនៅថ្ងៃទី ១៩ ខែ កក្កដា ឆ្នាំ ១៩៤៧ ឪពុករបស់លោកស្រីត្រូវបានគេធ្វើឃាត។ ចំណែកម្ដាយឈ្មោះ Ma Khin Kyi ជាអ្នកការទូត ក្រោយមកគាត់ធ្វើការជាឯកអគ្គរដ្ឋទូតទូតភូមាប្រចាំឥណ្ឌា។

ក្រោយឪពុកទទួលមរណភាពក្នុងឆ្នាំ ១៩៤២ លោកស្រី អ៊ុង សានស៊ូជី ត្រូវរស់នៅជាមួយម្តាយរហូតដល់ធំដឹក្តី។ លោកស្រីមានបងប្អូនពីរនាក់ក្នុងរយៈពេល៦ឆ្នំាក្រោយការស្លាប់របស់ឱពុក ប្អូនប្រុសពៅគឺលោក អ៊ុង សានលីន ក៏បានលង់ទឹកស្លាប់និងម្នាក់ទៀតបានទៅរស់នៅសហរដ្ឋអាមេរិក។ ក្រោយមកគ្រួសារលោកស្រីបានផ្លាស់ទីលំនៅទៅរស់នៅតាមម្តាយ ដោយសារម្តាយលោកស្រីត្រូវបានតែងតាំងជាអគ្គរដ្ឋទួតប្រចាំនៅប្រទេសឥណ្ឌាក្នុងឆ្នាំ ១៩៦០។

ការអប់រំនិងការសិក្សា

លោកស្រី អ៊ុង សានស៊ូជី ក៏បានទៅសិក្សារៀនសូត្រនៅឥណ្ឌា រហូតបញ្ចប់ការសិក្សានៅមហាវិទ្យាល័យក្នុងឆ្នំា ១៩៦៤។ អាយុ ២០ឆ្នំា លោកស្រីបានបន្តការសិក្សានៅសលកវិទ្យាល័យ Oxford ក្នុងចក្រភពអង់គ្លេស ព្រមទាំងទទួលបានសញ្ញាបត្រផ្នែកទស្សនៈវិជ្ជា នយោបាយ និងសេដ្ឋកិច្ចក្នុងឆ្នាំ ១៩៦៧ និងបានបញ្ចប់ថ្នាក់អនុបណ្ឌិតវិទ្យាសាស្ត្រនយោបាយក្នុងឆ្នាំ ១៩៦៨។

ជីវិតអាណពាពិពាហ៌

លោកស្រីបានជួបជាមួយលោក ម៉ៃខល អារីស ជាអ្នកប្រាជ្ញាជនជាតិអង់គ្លេសមួយរូប និងបានរៀបអាពាហ៍ពិពាហ៍ជាមួយគ្នាក្នុងឆ្នាំ ១៩៧២។ លោកស្រី អ៊ុងសាន ស៊ូជី សម្រាលបានកូនប្រុសពីរនាក់ គឺអាឡិចសង់ដ័រ កើតក្នុងឆ្នំា ១៩៧៣ និងគីម កើតក្នុងឆ្នំា ១៩៧៧ ដែលជាចំណងដៃនៃអាពាហ៍ពិពាហ៍ស្នេហាមួយនេះ។

ពេលវេលាបានកន្លងផុតទៅ ១៦ឆ្នាំ ពោលគឺនៅឆ្នាំ ១៩៨៨ ម្តាយលោកស្រីក៏ធ្លាក់ខ្លួនឈឺជាទំនង់សម្រាកព្យាបាលក្នុងមន្ទីពេទ្យ បន្ទាប់ពីទទួលបានដំណឹងដ៏ក្រៀមក្រំនេះលោកស្រីក៏បានត្រឡប់មកស្រុកកំណើតវិញ ៩ខែក្រោយមក ម្តាយក៏បានចែកឋានចាកចោលទៀត។ ក្នុងវ័យ ៥៤ឆ្នាំ ស្វាមីលោកស្រីលោក ម៉ៃខល អារីស ក៏បានស្លាប់បាត់បង់ជីវិតនៅថ្ងៃទី២៧ ខែមិនា ឆ្នាំ១៩៩៩ ដោយសារជំងឺ។

ជីវិតក្នុងឆាកនយោបាយ

អ៊ុង សានសូជី ត្រូវបានគេតែងតាំងដំណែងជាអគ្គលេខាធិការ គណបក្សសម្ព័ន្ធជាតិដើម្បីលទ្ធិប្រជាធិបតេយ្យ របស់មីយ៉ាន់ម៉ា បន្ទាប់ពីរដ្ឋប្រហាយោធា នៅថ្ងៃទី១៨ ខែកញ្ញា ឆ្នាំ១៩៨៨ ។

នៅថ្ងៃទី២៤ ខែកញ្ញា ឆ្នាំ១៩៨៨ គណបក្សគាំទ្រលទ្ធិប្រជាធិបតេយ្យថ្មី ឈ្មោះគណបក្សសម្ព័ន្ធជាតិដើម្បីលទ្ធិប្រជាធិបតេយ្យ ត្រូវបានបង្កើតឡើង។

លោកស្រី អ៊ុងសាន ស៊ូជី ចាប់ផ្តើមយុទ្ធនាការសម្រាប់គណបក្សសម្ព័ន្ធជាតិដើម្បីលទ្ធិប្រជាធិបតេយ្យ ប៉ុន្តែត្រូវបានឃុំឃាំង និងហាមឃាត់មិនឱ្យ ឈរឈ្មោះដោយខ្លួនឯងនៅក្នុងការបោះឆ្នោតឡើយ។ ហើយរហុតមកដល់ខែ កក្កដា ឆ្នាំ ១៩៩៥ ទើបរបបយោធាបានដោះលែងលោកស្រីពីការឃុំខ្លួនណៅក្នុងផ្ទះ។

នៅឆ្នាំ ២០០០ លោកស្រី អ៊ុង សានស៊ូជី ត្រូវបានឃុំខ្លួនឲ្យនៅក្នុងផ្ទះម្តងទៀត បន្ទាប់ពីប៉ុនប៉ង ចាកចេញពីរដ្ឋធានី រ៉ង់ហ្គោន ដើម្បីជួបប្រជុំក្រុមនយោបាយនៅតំបន់មួយក្នុងប្រទេស។ នៅឆ្នាំ២០០២ លោកស្រី អ៊ុង សានស៊ូជី ក៏ត្រូវបានដោះលែងពីការឃុំខ្លួននៅក្នុងផ្ទះ។

ថ្មីៗនេះ កាលពីថ្ងៃទី ០១ កុម្ភៈ ២០២១ លោកស្រី អ៊ុង សានសូជីត្រូវបានយោធាមីយ៉ាន់ម៉ា ចាប់ឃុំខ្លួនម្ដងទៀតដោយមូលហេតុថាការបោះឆ្នោតកាលពីឆ្នាំ២០២០កន្លងទៅនេះ ជ័យជំនះនៃការបោះឆ្នោតរបស់គណបក្សសម្ព័នជាតិដើម្បីលទ្ធិប្រជាធិបតេយ្យ គឺបានមកពីការបន្លំសន្លឹកឆ្នោត៕