តារាសម្តែងហុងកុង Ng Man Tat បានទទួលមរណភាពហើយ | ប្រាប់ដំណឹង - Brab Damneong

តារាសម្តែងហុងកុង​ Ng Man Tat  បានទទួលមរណភាពហើយនៅមន្ទីរពេទ្យ Union Hospital នៅទីក្រុងហុងកុងក្នុងថ្ងៃទី២៧ ខែកុម្ភៈ ឆ្នាំ២០២១នេះ។ កាសែត The Standard របស់ហុងកុងបានដកស្រង់សម្ដីមិត្តភក្តិជិតស្និទ្ធម្នាក់របស់ដារាសម្ដែងNg Man Tat ឈ្មោះ Tenky Tin Kai-man ដែលនិយាយថាតារាសម្តែងរូបនេះបានស្លាប់នៅពេលដែលគាត់កំពុងគេង។

លោក Ng Man Tat មានជម្ងឺមហារីកថ្លើម ដោយដារាសម្ដែងរូបនេះមានអាយុ៧០ ឆ្នាំទៅហើយ នេះបើយោងទៅតាមការបញ្ចាក់របស់លោកទិនជាសមាជិកគ្រួសាររបស់លោកNg Man Tat  រួមទាំងប្រពន្ធនិងកូនៗ របស់គាត់បាននៅជាមួយគាត់នៅពេលគាត់ស្លាប់។

Ng Man Tatត្រូវបានគេស្គាល់ច្រើនជាងគេដោយសារខ្សែភាពយន្ត "mo lei tau" ដែលគាត់បានដើរតួជាមួយនិង Stephen Chow ។

ក្នុងចំណោមខ្សែភាពយន្តដែលគាត់បានសម្តែងរួមមាន៖ God of Gamblers, The Mad Monk, The Kung Fu Scholar, Hail the Judge and Heroes Among Heroes, និងខ្សែភាពយន្តជាច្រើនទៀតផងដែរ។ 

អត្ថបទប្រែសម្រួលដោយ៖ ដំណឹងកម្ពុជា

ប្រភព៖ https://www.nst.com