ភ្នំពេញ៖ បើទោះបីជាមានការរឹតបន្តឹងដែលបណ្ដាលមកពីការរីករាលដាលនៃជំងឺកូវីដ-១៩ក៏ដោយ ក៏មហោស្រពរូបថតភ្នំពេញនៅតែបន្តសកម្មភាពរបស់ខ្លួនដដែល នេះជាលើកទី១២ហើយដែលមហោស្រពនេះធ្វើការតាំងបង្ហាញនៅស្នាដៃសិល្បៈករជាច្រើន ទាំងសិល្បៈករជាតិ និងអន្តរជាតិ។
មហោស្រពរូបថតភ្នំពេញឆ្នាំ ២០២១ នេះ នឹងដំណើរការក្នុងអំឡុងពិធីសម្ពោធរយៈពេល ២ ថ្ងៃ គឺនៅថ្ងៃទី ២៦ ខែ វិច្ឆិកា និងថ្ងៃទី ២៧ ខែ វិច្ឆិកា ដោយឡែកស្នាដៃដែលត្រូវបានជ្រើសរើសសម្រាប់ការតាំងពិព័រណ៍នៅឆ្នាំនេះ នឹងត្រូវបានដាក់តាំងបង្ហាញនៅវិទ្យាស្ថានបារាំង មជ្ឍមណ្ឌលបុប្ផាណា និងនៅស្ថានទូតបារាំងប្រចាំនៅកម្ពុជា ហើយការតាំងពិព័រណ៍នេះ នឹងដាក់បង្ហាញរហូតដល់ថ្ងៃទី ១៥ ខែមករា ឆ្នាំ២០២២។![រូបថតស្នាដៃរបស់សិល្បករ Dana Langlois រូបថតស្នាដៃរបស់សិល្បករ Dana Langlois](https://blogger.googleusercontent.com/img/a/AVvXsEjzqazRLuoBu2QAWjEMPNTUAvVW4v8ewTn-q_XU11hVbvxVhuHtvtBQpZ3efEruBquPIAKMcFusJLYyqTOzp4M99gsN4S72cMhiLreX3pN87OgXhbPauvkf41X36h4J_-9z4WKoipXILGsavIcLLWwdfxjpxBeClka4GH2VLldt4LTyZBrS6-013xUnNQ=w400-h271)
គួរបញ្ចាក់ផងដែរថាមហោស្រពរូបថតភ្នំពេញជាមហោស្រពរូបថតអន្តរជាតិមួយដ៏សំខាន់នៅអាសុីអាគ្នេយ៍ ដែលជាវេទិការវាងអ្នកថតរូបអាជីព និងអ្នកចូលចិត្តថតរូប។ មហោស្រពនេះត្រូវបានរៀបចំឡើងដោយសមាគមរូបថតភ្នំពេញ(PPPA) សហការជាមួយវិទ្យាស្ថានបារាំង ដោយមានការសហការជាមួយស្ថានទូតបារាំងប្រចាំកម្ពុជា គណៈប្រតិភូសហភាពអឺរ៉ុបប្រចាំនៅកម្ពុជា ក្រសួងអប់រំ ក្រសួងវប្បធម៌ និងវិចិត្រសិល្បៈ ព្រមទាំងសាលារាជធានីភ្នំពេញផងដែរ។
ខាងក្រោមនេះជាកម្មវិធីរបស់មហោស្រពរូបថតភ្នំពេញឆ្នាំ២០២១៖
អត្ថបទដោយ៖ អួង សំអាង
រូបភាពផ្ដល់ដោយ៖ មហោស្រពរូបថតភ្នំពេញ
Comments
Post a Comment