ទីបំផុតបទ៖ផ្លូវណាទៅផ្ទះម៉ែក្មេក ច្រៀង Cover ដោយ កញ្ញា មាស នីតា ត្រូវបានលុបចោលហើយ

បទចម្រៀងផ្លូវណាទៅផ្ទះម៉ែក្មេក ទទួលបានការគាំទ្រជាច្រើនពីសំណាក់មហាជន ក្នុងនោះក៏មានអ្នកយកបទចម្រៀងនេះទៅច្រៀងជាចម្រៀង Cover ជាច្រើនផងដែរ។

យ៉ាងណាមិញថ្មីៗនេះ ដោយនៅថ្ងៃទី ០៧ ខែ មេសា ឆ្នាំ២០២២ នេះ ផលិកម្ម HB Production បានចេញសេចក្ដីជូនដំណឹងមួយ ដោយក្នុងសេចក្ដីជូនដំណឹងនោះ រៀបរាប់យ៉ាងដូច្នេះថា « ផលិតកម្ម HB សូមជម្រាបជូនដំណឹង ដល់សារធារណៈជន និងអ្នកគាំទ្រអោយបានជ្រាបថា ៖ ផលិតកម្ម HB បានសម្រេចឲ្យ ម្ចាស់បទ Cover បទ (ផ្លូវណាទៅផ្ទះម៉ែក្មេក) ដែលជាបទដើមរបស់កញ្ញា ថាន់ នឿថង លុបចេញពី Chanel YouTube របស់ខ្លួន ។ ដោយម្ចាស់បទ Cover បានយកទៅច្រៀងបន្ត និង មានសារព័ត៌មាន ព្រមទាំងម្ចាស់ Concert មួយចំនួនបានផ្សព្វផ្សាយ ជាសារធារណៈក្នុងខ្លឹមសារថា ម្ចាស់Cover ជាម្ចាស់បទដើម។

បន្ថែមពីលើនេះទៅទៀតខាងផលិតកម្ម HB ក៏បានប្រាប់ពីមូលហេតុដែលឈានទៅដល់ការបិទសិទ្ធ ដោយលើកឡើងបញ្ចាក់បន្ថែមយ៉ាងដូច្នេះថា « កន្លងមកនេះមានសារព័ត៌មាន មួយចំនួនបានផ្សព្វផ្សាយថា ម្ចាស់ Cover ជាម្ចាស់ដើម ខាងផលិតកម្មក៏បានស្នើរសុំឲ្យម្ចាស់ Cover កែប្រែឡើងវិញ ចំពោះការខុសឆ្គងមួយនេះកុំឲ្យមានជាលើកទី២ ។

ស្រាប់តែមួយរយៈក្រោយ ថ្មីៗនេះ ក៏មានម្ចាស់Concert ក្នុងស្រុកមួយបានធ្វើការផ្សព្វផ្សាយ ក្នុងខ្លឹមសារ ដូចខាងលើដដែល ធ្វើឲ្យប៉ះពាល់ដល់កិត្តិយសម្ចាស់ដើម។ ហេតុដូចនេះ ខាងផលិតកម្ម HB បានសម្រេចស្នើរឲ្យ លុបចម្រៀង Cover បទ ផ្លូវណាទៅផ្ទះម៉ែក្មេក ចេញពី Chanel YouTube របស់ខ្លួន។

ចំពោះការបកស្រាយរបស់ម្ចាស់Coverដល់អ្នកសារព័ត៌មានក្នុងស្រុកថាបានសុំសិទ្ធពីផលិតកម្មនោះ គឺជាក់ស្ដែង មិនបានសុំសិទ្ធពីផលិតកម្មឡើយ។

ដោយឡែកមកមេីលម្ចាស់Cover បទផ្លូវណាទៅផ្ទះម៉ែក្មេក កញ្ញា មាស នីតា ក្រោយផលិតកម្មHB ស្នេីសុំឲ្យលុបចម្រៀងដែលបានច្រៀងនោះបានលេីកឡេីងយ៉ាងដូច្នេះថា (សូមទស្សនាវីដេអូ)